ບັນດາປະເທດມະຫາອຳນາດ ກຳລັງແຂ່ງຂັນກັນສົ່ງອອກເຮືອບິນຮົບ
ແຫຼ່ງຂ່າວເວັບໄຊ້ກະຊວງການຕ່າງກະເທດ ຣັດເຊຍ ເປີດເຜີຍວ່າ: ຈີນ, ຣັດເຊຍ ແລະ ອາເມຣິກາກຳລັງແຂ່ງຂັນກັນ ເພື່ອ
ສົ່ງອອກເຮືອບິນຮົບ ລຸ້ນທີ 5 ຂອງກອງທັບຕົນເພື່ອສົ່ງຂາຍ ໃຫ້ແກ່ທັບອາກາດຂອງບັນດາປະເທດທີ່ສົນໃຈສັ່ງຈອງ. ການສົ່ງ
ອອກອາວຸດທາງການທະຫານຂອງປະເທດມະຫາອຳນາດທີ່ມີເຮືອບິນຮົບທັນສະໄໝ ໃນນີ້, ຈີນ ມີ J-20 ແລະ FC-31 ຣັດ
ເຊຍມີ Su-57 ແລະ Su-75 (ສຳລັບສົ່ງອອກ).
ສະຫະລັດ ອາເມຣິກາ ມີ: F-22 ແລະ F-35 ເມື່ອນຳເອົາມາປຽບທຽບທາງດ້ານເຕັກນິກ ແລະ ແຜນຍຸດທະສາດໃນການ
ສູ້ຮົບແລ້ວເຫັນໄດ້ວ່າ: ມີບາງຈຸດທີ່ຄ້າຍຄືກັນເພາະເຮືອບິນທັງໝົດນັ້ນລ້ວນແລ້ວແຕ່ມີຄຸນສົມບັດໃໝ່ ໃນການສູ້ຮົບທາງອາກາດ
ທີ່ມີເຕັກໂນໂລຊີສູງ. ສຳລັບຈີນໄດ້ຕັ້ງເປົ້າທີ່ຊັດເຈນ ໂດຍຈະສົ່ງອອກເຮືອບບິນຮົບລຸ້ນ FC-34 ໃຫ້ບັນລຸໄດ້ຕາມຄາດໝາຍ, ເຖິງ
ແມ່ນວ່າໄດ້ພະຍາຍາມຂາຍເຮືອບິນຮົບຂອງຕົນໃຫ້ລູກຄ້າກຸ່ມນ້ອຍຄື: ປາກິດສະຖານ, ບັງກາລາເທດ, ມຽນມາ, ສປປ ເກົາຫຼີ
ແລະ ອາຟຣິກາ ຈຳນວນໜຶ່ງ. ໃນຂະນະທີ່, ຣັດເຊຍປະກາດທີ່ຈະສົ່ງອອກ Su-57 ແລະ ໄດ້ເຈລະຈາກັບ ສະຫະລັດອາຣັບ ເອມີ
ເຣດ ເພື່ອຮ່ວມມືຜະລິດ Su-75 “Checkmate” ທີ່ກ້າວໜ້າກວ່າ.
ປັດຈຸບັນ, ມີ 14 ປະເທດໄດ້ນຳໃຊ້ເຮືອບິນຮົບດັ່ງກ່າວ ແລະ ມີ 10 ກວ່າປະເທດເຂົ້າຮ່ວມຜະ ລິດ. Su-75 "Checkmate"
ຂອງຣັດເຊຍ (ຫຼືຮູ້ຈັກກັນໃນນາມ Sukhoi) ເປັນທີ່ໜ້າສັງ ເກດ, ໄດ້ປັບປຸງເປັນລຸ້ນທີ 5 ຂອງບັນດາມະຫາອຳນາດລ້ວນແຕ່ຖືກ
ອອກແບບຕາມທິດປ້ອງກັນທາງອາກາດຂອງໃຜມັນ. ສະເພາະ ສປ ຈີນ ແລະ ຣັດເຊຍ ເນັ້ນໜັກເຖິງຄວາມສາມາດປ້ອງກັນທາງອາ
ກາດ, ເຮືອບິນສູ້ຮົບຂອງເຂົາເຈົ້າມີການປະສານສົມທົບກັບທຸກໆລະບົບປ້ອງກັນອາກາດຢ່າງແໜ້ນແຟ້ນ.
ແຫຼ່ງທີ່ມາ: ໜັງສືພິມກອງທັບ
ວັນທີ 04/01/2024